البنت السورية

موضوع: البنت السورية السبت ديسمبر 12, 2009 3:53 am

أولاً: فيسبوكياً:
اذا بعتلها مسج ع الفيس بوك عم بتقلها "مرحبا" بتعتبر حالها جميلة الجميلات, و ما حدا بيتقارن فيها و
1- بتعتبرك انت الإنسان التافه اللي خضعت تحت قدميها, ويلي دايب بجمالها و بس بدك منها تقلك اهلين.
2- أما اذا كانت المسج "مرحبا, كيفك" فأكيد ما رح ترد عليك.. لأنك زودتها يعني.
3- و إذا كانت المسج طويلة شوي.. بترد عليك بكلمة "ok, fine" طبعا بالانكليزي بتكتبها, و اذا حبت انها تتواضع شوي, بتكتبها عربي حروف انكليزية, و انت طبعا ما بتفهم شي من هالفاين.

ثانياً- مسنجرياً:
1- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو.
( مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقي الحكي.
2- اذا يوما من الأيام صادفت و بنت سورية ضافتك.. ( مع انو هي اتسجلت المستحيلة الثامنة بالعالم ) كمان فورا بتسألك, مين معي, أنا ايميلك عندي من زمان بس ما بعرف مين انت.. و يا ويلك اذا ما بتجاوبها..

3- طبعا بتكون حاطة صورة الشطرنج تبع المسنجر, أو الوردة.. أو صورة من صور المانغا اليابانية, و انت أكيد لازم تحط صورتك و إلا ما بتحكي معك, ووقت بتسألها عن اسمها بتقلك اللقب تبعها, و بتسألها ع كنيتها بتقلك "لسا بكير" كأنك رايح تخطبها بكرا, و اياك ثم اياك تسألها تحط صورتها.. فورا بتلاقيها طلعت اوفلاين, لأنك صرت من قائمة البلوك تبعها.
4- دائما حاطة حالتها "مشغول" على اعتبار انها مشغولة كتير, و بترد عليك جملة بتتكون من تلت كلمات, بعد ما بتكون انت كاتب موضوع تعبير من عشر أسطر, و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليها كتير.

ثالثا: في الشارع:
1- بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو من تحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم.
2- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض و بيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. صانسيلك.
3- تحذير: اياك ثم اياك انك تخبط فيها بالغلط, بتكون جنيت على نفسك, بتنظر فيك نظرة استحقار من راسك لخلخالك, و بتزدريك لأنك شخص منحط... و طبعا بتكون هيي الغلطانة لأنو بتكون ماشية بتوقف على فجأة قدام محلات الماركات, على أساس انو هيي شرية ماركات و لفتت نظرها قطعة ما بتتفوت

رابعا: في المحلات التجارية:
1- اذا فاتت البنت ع محل تجاري بدها تشتري غرض, بتنكّت صاحب المحل محلو قطعة قطعة, و هيي بتكون حالفة يمين ما يعجبها شي, و بتعرفو الحلفان غالي.. طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتور من كوالالامبور....
2- اذا لا سمح الله عجبتها شي قطعة, بتبينلك انها مو طايقتها, لأنو هي طريقتها الوحيدة لحتى تراعيها, و بتضل بتفاصلك بتفاصلك لحتى ينشف دمك و دم الحاضرين أجلكن.
3- اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها.

عقل البنات مالح يكبر لحتى ترجع ستي صبيه خخخخخخخخخخخخخخخخخخخخخ

lol!

عقل البنات مالح يكبر لحتى ترجع ستي صبيه Shocked

اول شي مو لأني بنت و مو لأني سورية بس كتير كلام اتحفظ عليه وخاصة اللي هو كل شي بيتعلق بالنت و الماسنجر و الفيس بوك لأنو فيه مبالغة شوي

ازا كان الموضوع من باب التنكيت و التأفيل ف Very Happy

اما غير هيك Sleep

كلام مو مزبوط لأنو ما في شي بنقال عن بنات او حتى عن شباب بالمطلق لأنو بسوريا مثلا في تعداد فوق المليون بنت او اكتر بكتير معقول كل هدول بتنطبق عليهون نفس هالمشاهدات

على كل تقبل مروري dardevil

لاتعليق منشان ما يكبر الموضوع اكبرمن اللازم

تقبل مروري

lol!

و الرأس مرفوع عاليا, نظام منضم.
بالعكس أبو حميد بتمنى من كل بنت سورية تكون دايما واثقة من نفسها
هذا مو ذم هاي حقيقة ..........

مع التحفظ

البنت السورية بيطلعلها تشوف حالها وبيطلعلها تحافظ على حالها
وما بتحكي مع اي حدا
مو كل من هب ودب وقالها مرحبا لازم تاخد وتعطي معو

تقبل مرووي

مزبوط حكيك ريم

حكيك مزبوط
بس على فئة معينة من البنات طبعا!
إلي فيهم نقص
تقبل مروري أبو حميد

______

_________

_______

_____

____

_____

_

_____

______

_______

_________

____________

______________

_________________

__________________

___________________

__________________

أنا تعليقي لن يكون على الموضوع
فهو من النوع الفكاهي
الذي قد يضحك البعض
ولا يضحك الآخر
فالمسألة أزواق

ولكن تعليقي أو بالأحرى تساؤلي
سيكون على الردود

لماذا كل هذا الاستنكار والتحفظ
والتحذير
ثم الإستثناء من باب الحيطة
على موضوع غرضه المزاح
أولا وأخرا

بظني لأن من رد بعنف
قد وجد
أن هذا المزاح قد لامس حقيقة لديه
أو لديها

ولكن ليس كل من رد
فإن بعض الظن إثم