محشش قصده شريف

موضوع: محشش قصده شريف الأحد سبتمبر 27, 2009 2:11 am

في مرّة دخّلوا محشّش على ضابط في الشرطة
قالوا له هذا المحشش قتل 26 شخص بسيارته

الضابط ما اقتنع بالقصة راح وسأل المحشش
قال له الضابط : كيف قتلت 26 زلمة ؟

رد عليه المحشش بكل أدب وثقة بالنفس : إسمعني ياحضرة الضابط ، أنت رجال
فهمان ومتعلم وان شاء الله راح تفهم القصة ؟

انبسط الضابط من ردّو وقالو : طيّب قلي كيف ؟

رد عليه : شوف يا حضرة الضابط ، أنا هلأ طاير على الاتوستراد ، حلو الكلام ؟

قال الضابط : حلو

قال المحشش : تخيّل على الرصيف اللي على اليمين واحد قاعد
وعلى الرصيف اللي على يساري 25 شخص قاعدين

قال الضابط : طيب

قال المحشش : وعلى يسار الطريق فيه قصر أفراح ، وال25 رجّال رايحين عالصالة اتّضحت الصورة؟

قال الضابط : لهلأ كلامك معقول

قال المحشش : فجأة وأنا ماشي طق الدولاب، والسيارة تروح يا يمين يا يسار

قال الضابط : أي نعم

قال المحشش : يعني فيه خيارين ، يا أدعس الرجّال ياللي لحالو
يا أدعس الخمسة والعشرين رجال التانين ، صح والا أنا غلطان ؟

قال الضابط : فعلا موقف محرج

قال المحشش : طيب يا ضابط ، أنت رجّال عاقل وواعي
وانحطيت لا قدّر الله بمتل هاد الموقف ، شو راح يكون تصرّفك ؟

قال الضابط : والله أنا بدعس الرجّال ياللي لحالو

قال المحشش : عين العقل ، أنا فكّرت نفس تفكيرك وقلت بدعس الرجّال اللي لحالو

قال الضابط : طيّب كيف قتلت الباقين ؟

قال المحشش: ما انا قررت ادعس الرجال اللي لحالو

بس ابن الكلب هرب عالجهة التانية.. فلحقتوا لهالحقير للجهة التانية قمت دعستهم كلهم